ريفيو النهاردة عن كونسيلر لوريال
L'oreal Infaillible Concealer🔥.
🎀تعالوا اكلمكم الأول عن مميزاته بالنسبالي:
بيدي تغطيه عالية بكمية قليلة جدا ، بيتوزع بسهولة بس بينشف بسرعة جدا لازم تدمجيه أول ماتحطيه ، ثابت جدا وبثبته بكمية قليلة جدا من اللوس باودر، مابيخططش خالص طالما ثبته كويس ولكن لازم تكوني مرطبة قبله كويس جدا وزيادة عن المعتاد، فرشته كبيرة، ألوانه مش بتأكسد بس اختاري درجة مناسبة ليكي، متوفر منه درجات كتير جدا
حجمه 10 مل وده أكبر من حجم أغلب الكونسيلرز المتوفرة، بيقعد فترة طويلة لأن كمية قليلة منه بتغطي كويس جدا.
.
🎀أما بالنسبة لعيوبه:
مش مناسب للبنات اللي منطقة حول العين عندهم جافة لأنه هيكتل وهيخطط، وبردو مش مناسب لو حول العين في خطوط وتجاعيد،
غير قابل للبناء يابنات يعني حطي الكمية الي انتي عايزاها من أول مرة، لأنك لو حطيتي مرة ووزعتيه وفكرتي تحطي تاني فوقها هيكتل ومش هيندمج لأن قوامه تقيل وبينشف بسرعة،
وبأكد تاني يابنات لازم قبله ترطيب كويس جدا وبكميه زيادة عن المعتاد.
بصراحة يستاهل الضجة اللي عليه الكونسيلر الوحيد اللي خفالي مظهر الهالات والعروق الزرقاء تحت العين.
🔥سعره حوالي ٢٦٠ جنيه .
0 Comments