Starville acne cream - ستارفيل كريم - كريم معالج للحبوب

هاي بنات 🤩

ريفيو النهاردة عن كريم Starville acne cream

سمعت كتير عن الكريم ده واتحمست أكثر اجربه بعد ترشيح د.هاني الناظر ليه 

- أولا الكريم مناسب لاصحاب البشرة المعرضه لحباية من فترة لفترة ، انما لو بشرتك فيها حب شباب أو حبوب كثير دائمة لازم تستشيري دكتور جلدية

 :مكونات الكريم عبارة عن

حمض السالسيليك، زيت شجرة الشاي، بانثينول، خلاصة الكاموميل، خلاصه الألوفيرا والروزماري

 فيتامين E&A

وكلها مكونات فعالة جدا في القضاء على الحبوب والبكتيريا المسببة للحبوب، مع الحماية من تحسس البشرة

بصراحة المنتج أبهرني جدا وبقيت بعتبروا المنتج السحري اللي بيخلصني في يومين من أي حباية سخيفة بتظهر فجأة وخاصة في المناسبات، بستخدمه كدهان موضعي مكان الحبوب فقط مرتين في اليوم

جربته مرة على حبوب كانت ظهرت فعلا وبعد أول يوم استخدام حجم الحبوب قلت جدا وكان باقي منها جزء بسيط وتاني يوم كانت اختفت

وجربته مرة ثانية على حبوب كانت لسة في بداية ظهورها واتصدمت انها اختفت قبل ماتكبر

💗المنتج ده أسر قلبي بجد💗

Hadeelglam