EOS Lip balm - ليب بالم

ريفيو النهاردة عن أفضل مرطب للشفايف بستخدمو بقالي حوالي عشر سنين

✨ EOS Lip balm ✨

ده بقى اللي يستاهل يتقال عليه الحب العشق الغرام 😍

مهما بحاول اجرب منتجات غيره لازم ارجعله ندمانه  

ياجماعة بجد مفيش حاجة زيو ولا قريبة منه حتى ، بيرطب بجد وترطيب من قلب يعني عمري مابلاقي معاه شفايفي مقشرة او ناشفة او بتقطع مع المكياج بالعكس تماما طول الفترة اللي بستخدموا فيها شفايفي بتكون ناعمة جدا ومترطبه بعكس اغلب المنتجات اللي موجوده في السوق حاليا ترطيبها بيكون وقتي يعني وقت ماانتي حطاه بس واول ماتروح من على شفايفك تحسي بجفاف👎

المميز في المنتج ده بقى انه 100% طبيعي و 95% من مكوناته عضويه

وكمان خالي من الكيماويات الضارة

Petrochemical-free & Cruelty-free & Paraben-free

وكمان بيحتوي على زبدة الشيا وزيت الجوجوبا العضويين اللي بيغذوا الشفايف جدا وبيدوها نعومة ملهاش زي، وكمان غني بمضادات الأكسده👍

أنا جربت اغلب الاصدارات من المنتج ده متوفر بالفراولة والتوت والفواكه الاستوائية والبطيخ وجوز الهند والفانيليا والنعناع والمانجو وغيرها كثير جدا كلهم تحفة اختاري الطعم والريحة اللي تناسب ذوقك، واغلبهم بدون لون (شفاف) 

😍بس حابة اكلمكم النهاردة عن الاصدار الجديد ده لانو مختلف شوية

هو عامل زي تنت الشفايف شكلو من بره شفاف بس أول ماتحطيه على شفايفك بيدي لون بينك هادي وراقي وطبيعي جدا جدا كأنه لون شفايفك الطبيعي وبيخلي شكلها صحي ومشرق جدا ده غير طبعا الترطيب العميق اللي بتحسي بيه، ومتوفر من نفس الاصدار ده الفينش بتاعوا شيمري في جليتر شوية وده الباكدج بتاعتو من بره لونها أسود

أنا كنت طالبه المنتج ده من موقع أمازون، وممكن تطلبيه من أي سيلر بتطلب من أمازون لان للاسف مش متوفر في مصر

Hadeelglam