Summer palette - color analysis - تحليل الالوان

هيللو ياحلوين عاملين ايه 🥰

الموضوع السابق اتكلمنا عن الأربع أقسام الرئيسية في تحليل الألوان، لو مشوفتيش الموضوع شوفيه من هنا

ولحد التسعينات كانوا هما 4 أقسام فقط ، بس بعد كده زادوا الى 12 قسم !!🧐 

تحت كل قسم من الأربع أقسام الرئيسية يندرج 3 أقسام، خلينا نتعرف عليهم أكتر 👍

🌞SUMMER

1- light summer

2- soft summer

3- cool summer

❄️WINTER

4- deep winter

5- clear winter
6- cool winter

💐SPRING

7- light spring

8- clear spring

9- warm spring

🍁AUTUMN

10- deep autumn

11- soft autumn

12- warm autumn

-بعد مابعمل الاختبار الاول في تحليل الألوان وتطلع النتيجة ان اندرتون بشرتي بارد بختار الوان أقمشة باردة بعضها ألوان ساطعة (bright) وبعضها ألوان مطفيه (muted or soft) وأقارن بينهم على بشرتي مين الأحلى عليا ومين أظهر بشرتي في أحسن حالة؟ مع أي الوان عيوب البشرة والهالات والتجاعيد كانت أقل؟

لو كانت الألوان الساطعة أفضل عليكي يبقى انتي كده فصل الشتاء، أما لو كانت الألوان المطفية أفضل عليكي يبقى انتي فصل الصيف، مع التجربة العملية كده هكون اتأكدت اكتر من نوع الفصل بتاعي وهقدر اعرف القسم الفرعي بتاعي وعلى الاساس ده اعرف محفظة الألوان الخاصة بيا..

فصل الصيف SUMMER :

- تتميز الوان هذا الفصل بانها باردة فاتحة ومطفيه.

- لون البشرة في هذا الفصل يتميز بانو فاتح أو فاتح جدا.

- من الألوان المفضلة في هذا الفصل الايفوري والسوفت وايت والازرق والرمادي ،

أما الألوان التي يفضل الابتعاد عنها فهي الاورنج والبنيات والأسود والألوان الداكنة بشكل عام والألوان الساطعة.

-هنبدأ نقارن لون البشرة ولون الشعر ولون العيون من الجدول اللي في الصورة فمثلا :

لو لون البشرة ايفوري أو روزي بيج ولون الشعر رمادي فاتح أو متوسط ولون العيون هازال أو أخضر فاتح كده يبقى انتي soft summer وهتبدأي تشوفي باليت الوان القسم ده ( باليت الوان كل قسم موجودة في الصور ) وتعتمديها في اختياراتك في اللبس والمكياج وصبغات الشعر والعدسات وحتى طلاء الاظافر واختيار المجوهرات.

.

ازاي نقدر نعتمد باليت الالوان بتاعتنا في كل اختياراتنا :

- لو انتي عروسة فاختيارك للفستان باللون الايفوري أو السوفت وايت هيكون الاختيار الأمثل (ابعدي تماما عن اللون الأبيض الساطع ).

- عند اختيارك للمجوهرات والاكسسوريز فاختيارك للون الفضي والوايت جولد والروز جولد هو الاختيار الأمثل لجميع الاقسام الثلاثة ولكن في بعض حالات light & soft يمكنهم ارتداء اللون الذهبي ( في حالات نادرة في القسمين دول يختلط الاندرتون ليهم البارد مع قليل من الدافئ ولكن يكون اللون البارد هو الغالب فهنا يمكنهم ارتداء اللون الذهبي وطبعا نقدر نكتشف ده بالتجربة العملية للونين الفضي والدهبي على البشرة وتأثيرهم عليها زي ماشرحنا قبل كده ).

- عند اختيارك لالوان المكياج المناسبة ستجدين ان درجات الوردي المطفيه رائعة عليكي عند اختيارها للبلاشر أو الليب ستيك، ويمكنك اختيار درجات للايشادو من الازرق الفاتح الى المتوسط أو الرمادي وبعض من درجات الموف الفاتح والأخضر كما هو موضح بالصور، لون الايلاينر الاسود لن يكون أفضل اختياراتك يمكنك اختيار درجات الرمادي او الازرق او البنفسجي كاختيار افضل لايلاينر العيون لتبرزي جمالها ،و ابتعدي تماما عن استخدام البرونزر.

- بالنسبة لاختيار الوان صبغات الشعر وعدسات العيون المثالية فيمكنك اختيار اي لون من الالوان الموجودة في مجموعتك الطبيعية فهي ستكون الاختيار الأفضل.

...

...

🤩تذكري دائما أفضل لون في العالم هو اللون الذي يبدوا رائعا عليك🤩